من نحن

شغلنا بسيط

بلشنا سنة ٢٠١٠ بفكرة وحدة: نجيب للناس بلبنان الأغراض يلي بيحتاجوها كل يوم بسعر معقول، ومنوصّلها لعندهم بدون وجع راس.

من وقتها وصلنا لآلاف الزباين بكل المحافظات، من بيروت لعكار للنبطية. وبعدنا منشتغل بنفس الطريقة: منختار منيح، منسعّر بصدق، ومنوصّل بسرعة.

ليش الناس بيرجعوا

منختار مش منكدّس. ما منحط كل شي عالموقع. كل منتج بيعدي علينا قبل ما ينزل، وإذا ما بيستاهل ما منحملو.

السعر يلي بتشوفو هوي السعر. ما في مفاجآت عند الدفع غير رسم التوصيل، وهوي مكتوب بكل صفحة.

بتدفع لما يوصل. الدفع عند الاستلام هوي الأساس عنّا. ما منطلب منك تدفع لحدا ما تشوف الغرض بإيدك.

واتساب مش روبوت. لما تراسلنا، في حدا حقيقي بيرد، وبنفس النهار.

التوصيل

٣ دولار لكل لبنان، مجاني فوق ١٠٠ دولار، وبيوصل خلال ١ لـ ٣ أيام. منوصّل لكل المحافظات الثمانية.

تواصل معنا

واتساب +961 71 791 928 أو إيميل clickandpicklb@gmail.com. وعلى إنستغرام وفيسبوك @clickandpicklb.